Ulaanbaatar
“Адуунчулуун” компани нэгж хувьцаандаа 100 төгрөг олгоно
МОНГОЛЫН МЭДЭЭ | ЭДИЙН ЗАСАГ
“Адуунчулуун” компанийн хувьцаа эзэмшигчдийн ээлжит хурлаар нэгж хувьцаандаа 100 төгрөгийн ногдол ашиг олгохоор шийдвэрлэсэн талаар өнөөдөр Монголын хөрөнгийн биржээс мэдээллээ.
Одоогоор хувьцаа эзэмшигчдийн бүртгэлийг гаргаж байгаа бөгөөд ногдол ашгийг энэ оны 2 дугаар улиралд багтаан олгох аж.
Адуунчулууны компани 1955 онд байгуулагдсан бөгөөд нүүрсийг ахуйн хэрэглээний зориулалтаар бага хэмжээгээр олборлож эхэлсэн байна. 1955-1966 онд далд аргаар 2-11 мян.тн нүүрс олборлож байгаад 1962 оноос эхлэн олборлолтын хүчин чадлыг нэмэгдүүлж, 1962-1977 онуудад жилийн хүчин чадал 200 мян.тн-оор олборлолт явуулах болжээ. Өнөөгийн байдлаар тус уурхай 160 гаруй ажиллагсадтай бөгөөд олборлосон нүүрсээ хэрэглэгчдэд тонныг нь 8000 төгрөг, Дорнод бүсийн эрчим хүчний системд 8584 төгрөгөөр борлуулдаг байна.
Ч.Ариунболд
