Ulaanbaatar
Хөдөлмөр эрхлэлтийг дэмжих хөтөлбөрт өөрчлөлт оржээ
ОРОН НУТГИЙН МЭДЭЭ | ОРХОН
Орхон /МОНЦАМЭ/ ХХҮГ-аас хэрэгжүүлдэг хөдөлмөр эрхлэлтийг дэмжих хөтөлбөрт өөрчлөлт оржээ. Тухайлбал, “Малчдын хөдөлмөр эрхлэлтийг дэмжих хөтөлбөр”-т 18-39 насны иргэдэд гэсэн заалт 18-45 нас болж өөрчлөгджээ.
Мөн 35-аас дээш насны хувиараа бизнес эрхэлдэг иргэн, өрхөд гурав хүртэлх сая
төгрөгийг 24 сарын хугацаатай олгодог байсан зээл энэ жилээс 5 хүртэлх сая төгрөгийн 36 сарын
хугацаатай болжээ.
Түүнчлэн хөгжлийн бэрхшээлтэй иргэдийн хөдөлмөр эрхлэлтийг дэмжиж 3 хүртэлх
сая төгрөгийг 36 сарын хугацаатай олгодог байсан зээл 5 хүртэлх сая төгрөгийн 48 сарын хугацаатай болов.
Мэргэжил сургалт үйлдвэрлэлийн төвийн төгсөгч 15-24 насны иргэд болон гарааны бизнес эрхлэх
хүсэлтэй 15-34 насны залуучуудад санхүүгийн дэмжлэг олгодог байсныг 18-35 нас
болгон өөрчилжээ. Зээлийг 100 хувь эргэн
төлдөг бөгөөд өнгөрсөн онд ХХҮГ-аас 300 сая төгрөгийг хөдөлмөр эрхлэхэд
зарцуулсан байна.
