Ulaanbaatar
Богд суманд чоно элбэгшчээ
ОРОН НУТГИЙН МЭДЭЭ | БАЯНХОНГОРБаянхонгор аймгийн Богд суманд чоно элбэгшин, тэмээ, адуу, үхэр, ботго тором зэргийг барьж, малчдын хэдэн малаас хомсолж байгааг нутгийн иргэдээс мэдээллээ.
Монголын хоолой, Хөврийн хаяа, Бор овооны тал, Ар гурван гол, Орог нуурын ай саваар чоно нутагшиж байгааг малчид ярьж байна. Анчин Т.Бямбаагийн хэлж буйгаар “Нийтдээ 30 гаруй боохой тэмээний нутгийг дамнан гүйж малчдыг амраахаа байлаа. Хэд гурвыг намналаа ч хүч хүрэхгүй байна” гэж байв.
Тус суманд чоно 5-7-оороо сүрэглэснээр бод малнуудыг ч “унагаад” байгаа аж. Мал төллөх дөхөхтэй зэрэгцэн дээрх асуудалд санаа зовнисон иргэд орон нутгийн удирдлагын зүгээс анхаарал тавин ажиллахыг хүсч буйгаа илэрхийллээ.
Б.Мөнхзул
