Ulaanbaatar
Монголын нисгэгчид Орост сургалтад хамрагджээ
ДЭЛХИЙН МЭДЭЭ | НИЙГЭММОСКВА. /RIA Novosti/. Ми-8/171 загварын нисдэг тэргүүдийн нисгэгчид болох Монголын мэргэжилтнүүд “Ростех” компанийн бүрэлдэхүүнд багтдаг “Оросын нисдэг тэргүүд” холдингийн Улаан-Үд дэх нисэх онгоцны үйлдвэрийн /У-УАЗ/ Нисэхийн сургалтын төвд сургалтад хамрагдсан тухай тус холдингийн хэвлэлийн алба мэдээлжээ.
Одоогийн байдлаар Монголын компаниуд болон байгууллагуудын паркт Ми-8МТ, Ми-8АМТ, Ми-171 болон Ми-171Е загварын 10 гаруй нисдэг тэрэг байгаа бөгөөд эдгээрийн заримыг нь “У-УАЗ”-д үйлдвэрлэсэн байна.
“Монголын Агаарын цэргийн хүчний болон “Монгол алт” корпорацийн Нисэх газрын Ми-8/171 загварын нисдэг тэргүүдийн нисгэгчид мэдлэг дээшлүүлэх сургалтын хүрээнд онол, практикийн мэдлэгийг шаардлагатай түвшинд эзэмшсэн” гэж “Оросын нисдэг тэргүүд” холдингийн хэвлэлийн алба мэдээлжээ.
Өнгөрсөн онд “У-УАЗ” үйлдвэрийн Нисэхийн сургалтын төвд “Ми-171” загварын нисдэг тэрэгний гадаадын болон Оросын 350 гаруй багийг бэлтгэж сургасан байна. Гадаадын нисэхийн мэргэжилтнүүдээс Перу, Казахстан, Монгол, Ангол, Вьетнам, Хятадын төлөөлөгчид сургалтад хамрагджээ.
Д.Жаргал
