Ulaanbaatar
Монголын хөлбөмбөгчид Сингапурын багтай тоглохоор тус улсыг зорив
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөлбөмбөгийн эрэгтэйчүүдийн Үндэсний шигшээ баг тамирчид даваа гарагт /10.08/ Сингапур улсыг зорив.
Манай хөлбөмбөгийн шигшээ багийг 2018 он дуустал нийт таван олон
улсын тоглолт хүлээж байгаагийн нэг нь энэхүү Сингапур улсын шигшээ багтай
тоглох халз тоглолт юм. Тус тоглолт нь баг тамирчид чансаагаа ахиулахын
зэрэгцээ 11 дүгээр сард Тайваньд зохион байгуулах Зүүн Азийн аварга шалгаруулах
тэмцээний хоёрдугаар шатны бэлтгэл болох юм.
Монгол-Сингапурын баг тамирчдын
халз тоглолт 10 дугаар сарын 12-ны өдөр болно. Тус тоглолтын дараа мөн үүний
адил чансаанд нөлөөлөх нөхөрсөг тоглолтыг манай залуус Лаосын шигшээ багтай
хийж ур чадвараа дээшлүүлнэ.
