Ulaanbaatar
Арваад мянган иргэн илрүүлэг шинжилгээнд хамрагдлаа
ОРОН НУТГИЙН МЭДЭЭ | ӨВӨРХАНГАЙ
Өвөрхангай /МОНЦАМЭ/. Энэ жил аймгийн хэмжээнд хепатитын В,С вирүсийн илрүүлэг шинжилгээнд 15-39 насны 47700 иргэнийг хамруулах бөгөөд одоогоор 9361 иргэн хамрагдсанаас С вирусийн халдвар 308, В вирусийн халдвар 489 бүртгэгджээ.
Мөн С вирусийн идэвхжил тодорхойлох шинжилгээнд 40-65 насны 367 иргэнийг хамруулснаар С вирусийн идэвхжилтэй 161 тохиолдол бүртгэгдсэн аж.
Арвайхээр сумын ерөнхий боловсролын таван сургуулийн ахлах ангийн 1779 сурагчийг хепатитийн В, С вирүсийн илрүүлэг шинжилгээ, оношилгоонд хамруулснаас В вирүсийн халдвар 11, С вирүсийн халдвар нэг илэрч, идэвхжил тодорхойлох шинжилгээнд илгээж хяналтад авчээ.
Аймгийн ЭМГ, БОЭТ-өөс 2017 онд илрүүлэг шинжилгээгээр В вирүсийн халдвартай гарсан 40-65 насны 1601 иргэнийг хепатитын В вирүсийн идэвхжил тодорхойлох шинжилгээ, эмчилгээнд хамруулах, 15-39, 65-аас дээш насны С вирүсийн идэвхжилтэй илэрсэн иргэдийг эмчилгээнд бүрэн хамруулах, сумдад “Нээлттэй хаалганы өдөрлөг” зохион байгуулж, илрүүлгийн хамрагдалтыг нэмэгдүүлэхээр ажиллаж байна.
Б.Батчимэг
