Ulaanbaatar
Б.Халиунаа дэлхийн залуучуудын аваргын төлөө барилдана
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Чөлөөт бөхийн залуучуудын “Трнава-2018” ДАШТ-ий эмэгтэйчүүдийн 55 кг-д спортын мастер Баяраагийн Халиунаа шигшээд шалгарч, аваргын алтан медалийн төлөө хүч үзэхээр болов.
Тус тэмцээний 50, 55, 59, 68, 76 кг-ын жингийн урьдчилсан болон хагас шигшээ барилдаан өчигдөр /09.19/ болсон юм. Тэмцээний эхний өдөр манай дөрвөн тамирчин хүч үзсэнээс Б.Халиунаа Трнавад 1/8 шигшээд БНСУ-ын Пак Юн Йон, шөвгийн наймд Туркийн Нурифе Думаныг тус цэвэр, хагас шигшээд БНХАУ-ын Хоу Жиажинийг 5:3-аар ялсан байна. Тэрбээр өнөөдөр алтан медалийн төлөө Японы Саки Игарашитай хүч, ур чадвараа сорино. Харин 76 кг-д Г.Ариунжаргалыг ялсан БНСУ-ын бөх шигшээд шалгарснаар өнөөдөр дагаж барилдахаар болсон бол Н.Анударь, Э.Даваанасан нар өрсөлдөгчдөө ялагдаж тэмцээнээ өндөрлүүлсэн байна.
