Ulaanbaatar
Цусны даралт хэмжигч аппаратуудыг баталгаажуулж байна
ОРОН НУТГИЙН МЭДЭЭ | ДОРНОДДорнод аймгийн Стандарт хэмжил зүйн хэлтсийн дулаан даралтын улсын шалгагч “Асралт үйлст” өрхийн эмнэлэгт саяхан ажиллалаа.
Тэд тус эмнэлэгт хэрэглэж байгаа цусны даралтын аппратын чанарын шаардлагыг баталгаажуулж, шаардлага хангаагүй 4-5 аппаратыг ашиглалтаас хассан байна.
Өрхийн эмнэлэгт үзүүлэхсдийн дийлэнх хувийг хүүхэд, өндөр настнууд эзэлдэг. Ахмадууд их төлөв даралтаа үзүүлэх гэж очдог. Хүмүүс бидний амьдралын алхам бүрт стандарт мөрдөгддөг ч энэ тухай мэдлэг мэдээлэл дутмагаас ямар нэг эрсдэлд орох нь бий. Ялангуяа эмнэлгийн салбарт стандарт мөрдөх нь зайлшгүй шаардлагатай. Хүний эрүүл мэндийг буруу оношилж, буруу эмчилгээ хийвэл амь насанд нь ч аюултай. Иймд тус аймгийн Стандарт хэмжил зүйн газар өрхийн эмнэлгүүдээс ажлаа эхэлжээ.
Б.Туяа
