Улаанбаатар
“Babymonster” хамтлаг анхны цомгоо гаргалаа
ДЭЛХИЙН МЭДЭЭ | СОЁЛ УРЛАГ
Уг цомогт нийт долоон дуу багтсан бөгөөд эхний дуу болох "Sheesh" нь гишүүдийн хоолойны гайхалтай
зохицлыг харуулсан эрч хүчтэй, хип
хоп, денс жанрын уран бүтээл болжээ.
Рука, Фарита, Аса, Рами, Рора, Чикита, Ахёон гэсэн долоон хүний бүрэлдэхүүнтэй “Babymonster” хамтлаг
нь Өмнөд Солонгос, Япон, Тайланд гэсэн гурван орны гишүүдээс бүрджээ. Тэд өнгөрсөн 11 дүгээр
сард "Batter Up" нэртэй анхны
дуугаа олон нийтийн хүртээл болгосон
юм.
Долоон
жилийн өмнө гараагаа эхлүүлж
байсан “BLACKPINK” хамтлагаас хойших YG компанийн анхны охидын хамтлаг болохын хувьд тэд олны
анхаарлыг ихэд татаж
байна.
Цомгийн нэр “Babymons7er”
нь хамтлагийн нэр болон гишүүдийн тоог хослуулсан нь ухаалаг шийдэл болжээ. Уг цомгийн тизер бичлэгүүд нь YouTube платформ дээр 85 сая хандалт аваад байгаа нь дэлхий даяар хүмүүсийн анхаарлыг татаж байгааг нь харууллаа.
Ирэх наймдугаар
сард “Babymonster” хамтлаг Японд жил бүр зохиогддог “Summer
Sonic” хөгжмийн наадамд уран бүтээлээ толилуулах ажээ.
Г.Энхжин
