Ulaanbaatar
Аваргуудын лигийн үндсэн шатанд тоглох багууд бүгд тодорлоо
ДЭЛХИЙН МЭДЭЭ | СПОРТ
ЛИССАБОН, 2025 оны наймдугаар сарын 28 /ТАСС/. Аваргуудын лигийн тэмцээний сонгон шалгаруулах плей-оффын шатны хариу тоглолт Лиссабон хотноо болж, Португалын “Бенфика” баг Туркийн “Фенербахче” багийг 1:0 харьцаагаар хожсоноор лигийн тэмцээний үндсэн шатанд шалгарлаа.
Тоглолтын 35 дахь минутанд “Бенфика”-гийн
хагас хамгаалагч, Туркийн шигшээгийн тоглогч Керем Актюркоглу цорын ганц гоолыг
оруулсан бол хоёр шар хуудас авсан “Фенербахче”-гийн тоглогч Талиска 82 дахь минутанд
талбайгаас хөөгджээ. Истанбулд болсон эхний тоглолт 0:0 харьцаагаар өндөрлөсөн тул
хоёр тоглолтын нийлбэр дүнгээр “Бенфика” тэмцээний үндсэн шатанд тоглохоор
боллоо.
Түүнчлэн плей-оффын хоёр
тоглолтын нийлбэр дүнгээр Бельгийн “Брюгге”, Азербайжаны “Карабах”, Данийн “Копенгаген”
багууд үндсэн шатанд шалгарсан байна.
Аваргуудын лигийн тэмцээний үндсэн шатны сугалаа өнөөдөр явагдаж, тоглолтууд есдүгээр сарын 16-нд
эхэлнэ. Баг бүр 8 тоглолт, үүнээс сагс бүрт багтсан багуудтай хоёр тоглолт хийнэ.
Эхний сагсанд:
лигийн одоогийн аварга Францын “Пари
Сен-Жермен”, Испанийн "Реал", "Барселона", Германы "Бавария",
"Боруссиа", Английн "Манчестер Сити", "Ливерпүүл",
"Челси", Италийн "Интер";
Хоёрдахь сагсанд:
Английн “Арсенал”, Германы "Байер",
"Айнтрахт", Испанийн "Атлетико", "Вильярреал",
Италийн "Аталанта", "Ювентус", Бельгийн “Брюгге”,
Португалын “Бенфика”;
Гурав дахь сагсанд:
Нидерландын "Аякс", ПСВ,
Италийн “Наполи”, Португалын “Спортинг”, Грекийн "Олимпиакос", Чехийн
“Славия”, Норвегийн "Будё-Глимт", Английн "Тоттенхэм",
Францын "Марсель";
Дөрөв дэх сагсанд:
“Монако”,
Туркийн "Галатасарай", Бельгийн "Юнион", Азербайжаны "Карабах",
Испанийн "Атлетик", Английн "Ньюкасл", Киприйн "Пафос",
Данийн “Копенгаген”, Казахстаны "Кайрат" багууд тус тус багтжээ.
