Ulaanbaatar
Хөгжлийн банканд 150 тэрбум төгрөгийн зээлийг эргэн төлжээ
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монгол Улсын Хөгжлийн
банкнаас зээлдэгчдийн зээл төлөлттэй холбоотой мэдээллийг ирүүлэв.
Зээлийн багцын мэдээллээр зээлдэгч нар энэ оны 4 дүгээр сарын 4-ний байдлаар тус банканд нийт 150 тэрбум, 579 сая төгрөгийн төгрөгийн зээлийг эргэн төлжээ. Зээлийн эргэн төлөлтийг ангиллаар авч үзвэл:
- хэвийн зээлдэгчийн ангилал дахь зээлийн эргэн төлөлт
33,228,039,739 төгрөг,
- анхаарал хандуулах ангиллын зээлийн эргэн төлөлт
55,756,572,511 төгрөг,
- чанаргүй зээлийн ангиллын зээлийн эргэн төлөлт
34,000,948,331 төгрөг тус тус төлөгдөөд байна.
Мөн 27,594,293,143 төгрөгийн зээлийн эргэн төлөлт бүрэн төлөгдөж, гүйлгээний данс хаагджээ.
