“Чингис фестивал” дөрөв дэх удаагаа болно

mn_tuul@montsame.mn

2017-11-14 09:15:15

Улаанбаатар /МОНЦАМЭ/. Эзэн Богд Чингис хааны мэндэлсэний 855 жилийн ойд зориулж “Женко тур бюро” ХК-аас “Чингис фестивал” арга хэмжээг 4 дэх удаагаа зохион байгуулах гэж байна.

Тус наадмын нээлт энэ сарын 19-ний өдрийн 11 цагаас Чингис хааны морьт хөшөө цогцолборт болох юм. Энэ үеэр Археологийн тэнхимийн эрхлэгч, доктор профессор Д.Эрдэнэбаатар “XII зууны Их Монгол улсын түүх соёл” сэдэвтэй сонирхолтой лекц унших бол Түүхийн хүрээлэнгийн түүхч доктор, профессор А.Пунсаг Монголын нууц товчоотой холбоотой 600 гаруй ховор нандин бар хэвлэл, судрын номын цуглуулгаа дэлгэн олны хүртээл болгоно. Үүний зэрэгцээ “Чингис хаан ба Их Монгол улс” маркны төрөлжсөн үзэсгэлэн, АХА асуулт хариултын тэмцээн, шилмэл жороо морьд, морьтон баатруудын үзүүлбэр, “Талын Монгол” ардын урлагийн богино хэмжээний тоглолт болж, үндэсний хувцастай шилдэг хосыг шалгаруулах аж.

Мөн оролцогчид өөрийн нэрийг Монгол бичгээр бичүүлэх, үндэсний хувцас өмсөж зураг авахуулах, “Чингисийн хишиг” монгол үндэстний хоолны баярт оролцох зэрэг сонирхолтой арга хэмжээг зохион байгуулагчдаас санал болгож байна. Түүнчлэн Чингис, Тэмүүжин нэртэй иргэдийг энэхүү наадмын үзвэрийн үнээс 100 хувь чөлөөлөх бол Нислэг центрийн “Тэнгэрийн аялал”-ын үнийн дүнд 15 хувийн хөнгөлөлтэй үзүүлэх нь. Уг наадам орой 20 цаг хүртэл үргэлжилнэ.

Б.Туул

“Чингис фестивал” дөрөв дэх удаагаа болно

相关新闻

Адуу болон халал аргаар бэлтгэсэн хонины хоёр мянган тонн мах худалдахаар тохиролцов

Тахилтад бага сургууль, цэцэрлэгийн цогцолбор ашиглалтад оруулна

Эхний ээлжид 40 байршилд авто зогсоол барина

Таван байршилд зам хааж, засварын ажил эхлүүлнэ

Гэр хорооллыг нүүрснээс нарны эрчим хүч рүү шилжүүлэх төслийг хэрэгжүүлнэ

Монгол Улс жендэрийн ялгаатай байдлын үзүүлэлтээр 20 байр урагшиллаа

Аравдугаар хороолол орчимд 370 авто машины ил зогсоол барина

ӨНӨӨДӨР: “Бизнесийн орчинд стандарт” хэлэлцүүлэг болно

Монгол Улсыг цахим засаглалын хөгжлийн индексээр “маш өндөр” түвшинд үнэлжээ

跟著我們

访问次数