Ulaanbaatar
Ундны усны байгууламжаа камераар хянадаг болов
ОРОН НУТГИЙН МЭДЭЭ | ДУНДГОВЬ
Дундговь /МОНЦАМЭ/. Мандалговь хотынхны ундны усны эх үүсвэрийн аюулгүй байдал, хэвийн ажиллагааг камераар хянадаг боллоо. Үүнд Орон нутгийн хөгжлийн сангаас 40 гаруй сая төгрөг зарцуулсан байна.
Мандалговь хотын оршин суугчид 35 км- ийн хол зайнаас ундны устайгаа залгадаг. Усны гол эх үүсвэр нь Олгойн говийн худаг бөгөөд гүний гурван худгаас ус шахагдаж, зургаан санд хоногтоо 800- 900 шоо метр ус хуримтлагдан аймгийн төвийн хэрэглэгчдэд түгээгддэг юм. Эдгээр байгууламж бүрт хянах камер суурилуулсан байна. Мөн аймгийн төвд байршдаг нөөц хоёр худгийг ч камерын хяналтын системд холбожээ. Хянах системийн төвийг “Дундговь Ус” ОНӨҮГ- ын байранд байршуулсан байна.
Ундны усны эх үүсвэр нь ийм хол зайд байршдаг , дээр нь ундны усны байгууламж онцгой объект учраас камерын систем нь усны эх үүсвэрүүдийн хэвийн ажиллагааг 24 цагийн турш хяналтад авах давуу талыг бий болгожээ.
Мандалговь хотын оршин суугчид 35 км- ийн хол зайнаас ундны устайгаа залгадаг. Усны гол эх үүсвэр нь Олгойн говийн худаг бөгөөд гүний гурван худгаас ус шахагдаж, зургаан санд хоногтоо 800- 900 шоо метр ус хуримтлагдан аймгийн төвийн хэрэглэгчдэд түгээгддэг юм. Эдгээр байгууламж бүрт хянах камер суурилуулсан байна. Мөн аймгийн төвд байршдаг нөөц хоёр худгийг ч камерын хяналтын системд холбожээ. Хянах системийн төвийг “Дундговь Ус” ОНӨҮГ- ын байранд байршуулсан байна.
Ундны усны эх үүсвэр нь ийм хол зайд байршдаг , дээр нь ундны усны байгууламж онцгой объект учраас камерын систем нь усны эх үүсвэрүүдийн хэвийн ажиллагааг 24 цагийн турш хяналтад авах давуу талыг бий болгожээ.
Т. Отгонтуяа
