Ulaanbaatar
Орхончууд хандивын багц илгээлээ
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Түймрийн халуун цэг дээр цаг наргүй ажиллаж байгаа гал сөнөөгч аврагчиддаа эд материал, сэтгэл санааны дэм үзүүлэн туслахийг аймгийн Засаг дарга төдийгүй аймгийн удирдлагын баг, нийт ард иргэд, албан байгууллагууддаа уриалаад байгаа билээ.
Сэлэнгэ нутгийн сайхан сэтгэлт зон олон маань эвлэлдэн нэгдэж сэтгэлээ шингээсэн бэлгээ эздэд нь хүргэж эхлээд байна. Тусламжийн аян Монгол Улсын Ерөнхий сайд Ж.Эрдэнэбат, Сэлэнгэ аймгийн Засаг дарга Ш.Оргил, Орхон аймгийн Засаг дарга Д.Батлут нарын илгээсэн эд материал, хүнсний хэрэглээний зүйлсээр үргэлжиллээ. Өнөөдөр Ерөө сумын төвд тусламжийн бараа эд зүйлсийг Ерөө, Хүдэр сумдын Засаг дарга нарт хүлээлгэн өгсөн юм.
Энэ үеэр аймгийн Засаг дарга Ш.Оргил:- “Зовох цагт хүний чанар танигдана гэдэг ардын маань сайхан үг бий. Сэлэнгэ нутагт минь тохиолдоод байгаа гал түймрийн хор уршгийг даван туулахад эд материал, сэтгэл санааны дэмжлэг үзүүлэхээр өөрийн биеэр хүрэлцэн ирсэн Орхон аймгийн Засаг даргадаа болон Орхончууддаа талархалаа илэрхийлье” гэлээ. Орхон аймгийн Засаг дарга Д.Батлут:-“Нөхцөл байдал хүнд хэцүү байгаа тул бид энэ удаагийн тусламжийг авчирлаа. Шаардлагатай бол цаашид ч туслаж дэмжих болно” хэмээлээ.
Орхончуудын хандивын багцанд утаа нэвтрүүлдэггүй маск, амин дэм, берзинтэн материалтай хувцас, гутал зэрэг багтсан байна. Сэлэнгэ аймгийн Засаг дарга Ш.Оргил сэтгэл зүтгэлээ шингээж сайн үйлсийн аяныг амжилттай өрнүүлэн түймрийн голомтонд ажиллаж байгаа хүмүүстээ тусламжаа илгээж байгаа нийт иргэддээ талархалаа илэрхийллээ.
Сэлэнгэ нутгийн сайхан сэтгэлт зон олон маань эвлэлдэн нэгдэж сэтгэлээ шингээсэн бэлгээ эздэд нь хүргэж эхлээд байна. Тусламжийн аян Монгол Улсын Ерөнхий сайд Ж.Эрдэнэбат, Сэлэнгэ аймгийн Засаг дарга Ш.Оргил, Орхон аймгийн Засаг дарга Д.Батлут нарын илгээсэн эд материал, хүнсний хэрэглээний зүйлсээр үргэлжиллээ. Өнөөдөр Ерөө сумын төвд тусламжийн бараа эд зүйлсийг Ерөө, Хүдэр сумдын Засаг дарга нарт хүлээлгэн өгсөн юм.
Энэ үеэр аймгийн Засаг дарга Ш.Оргил:- “Зовох цагт хүний чанар танигдана гэдэг ардын маань сайхан үг бий. Сэлэнгэ нутагт минь тохиолдоод байгаа гал түймрийн хор уршгийг даван туулахад эд материал, сэтгэл санааны дэмжлэг үзүүлэхээр өөрийн биеэр хүрэлцэн ирсэн Орхон аймгийн Засаг даргадаа болон Орхончууддаа талархалаа илэрхийлье” гэлээ. Орхон аймгийн Засаг дарга Д.Батлут:-“Нөхцөл байдал хүнд хэцүү байгаа тул бид энэ удаагийн тусламжийг авчирлаа. Шаардлагатай бол цаашид ч туслаж дэмжих болно” хэмээлээ.
Орхончуудын хандивын багцанд утаа нэвтрүүлдэггүй маск, амин дэм, берзинтэн материалтай хувцас, гутал зэрэг багтсан байна. Сэлэнгэ аймгийн Засаг дарга Ш.Оргил сэтгэл зүтгэлээ шингээж сайн үйлсийн аяныг амжилттай өрнүүлэн түймрийн голомтонд ажиллаж байгаа хүмүүстээ тусламжаа илгээж байгаа нийт иргэддээ талархалаа илэрхийллээ.
Ч.Отгонцэцэг
