Ulaanbaatar
21 муур алсан этгээдэд 16 жилийн хорих ял оноожээ
ДЭЛХИЙН МЭДЭЭ | НИЙГЭМ
ВАШИНГТОН./TASS/. 21 муур алсных нь төлөө АНУ-ын иргэн Роберт Фармерт Калифорни муж улсын Санта-Клара хотын Дээд шүүхээс 16 жилийн хорих ял оноожээ. Энэ тухай бямба гарагт USA Today сонинд мэдээллээ.
Тус хотын нэгэн дүүргийн айлуудын муурнууд 2015 оны 9 дүгээр сараас эхлэн алга болж эхэлсэн ба хожим нь тэдгээр муурнуудыг хэн нэгэн этгээд алсан нь тодорхой болжээ.
Муур анх алга болсноос хойш нэг сарын дараа цагдаа нар нэгэн гэр ахуйн барааны дэлгүүрийн гаднахьмашины зогсоол дээр тавьсан машины хянах самбарын дээд талд үхсэн муур тавьсан байгааг илрүүлжээ. Машинд үзлэг хийхэд цустай бээлий, амьтны үс, ангийн хутга гарчээ. 26 настай гэмт хэрэгтэн тэр үед машин дотроо унтаж байсан байна.
О.Барс
