Ulaanbaatar
Ухаалаг худгийг ашиглалтад оруулав
ОРОН НУТГИЙН МЭДЭЭ | ДОРНОГОВЬ
Дорноговь /МОНЦАМЭ/. Дорноговь аймгийн ард иргэд, аж ахуй нэгжүүдийг ус дулаанаар хангадаг “Чандмань-Илч” орон нутгийн өмчит компаниас санаачилж Сайншанд сумын нэг, гуравдугаар багийн хоёр худагт автомат төхөөрөмж суурилуулж ухаалаг болголоо.
Усны ашиглалт, хамгаалалтыг сайжруулах, иргэдэд 24 цагийн турш үйлчилгээ үзүүлэх, зардал төсөв хэмнэх зорилгоор эхний удаа дээрх хоёр худгийг ухаалаг хэлбэрт шилжүүлсэн байна. Ингэснээр худагт ус түгээгч ажиллах шаардлагагүй болжээ. Худгаас ус авахад нь зориулж иргэдэд тус компаниас цахим картыг үнэгүй олгосон байна.
Иргэд картаа мөнгөөр цэнэглэж автомат төхөөрөмжид уншуулснаар ус авах боломжтой юм. Нэг худгийг ухаалаг болгоход ойролцоогоор найм орчим сая төгрөг зарцуулж буй бөгөөд цаашдаа орон нутгаас худгийг ухаалаг болгоход анхаарч ажиллах гэнэ. Ухаалаг худаг нь гаднаа камертай, харуул хамгаалалттай бөгөөд худгийг ашиглалт, аюулгүй байдлыг компанийн төв сэрвэрээс хянаж байна.
Иргэд картаа мөнгөөр цэнэглэж автомат төхөөрөмжид уншуулснаар ус авах боломжтой юм. Нэг худгийг ухаалаг болгоход ойролцоогоор найм орчим сая төгрөг зарцуулж буй бөгөөд цаашдаа орон нутгаас худгийг ухаалаг болгоход анхаарч ажиллах гэнэ. Ухаалаг худаг нь гаднаа камертай, харуул хамгаалалттай бөгөөд худгийг ашиглалт, аюулгүй байдлыг компанийн төв сэрвэрээс хянаж байна.
Х.Эрдэнэбулган
