Сүмитомо корпорацийн тэтгэлгийг 30 оюутан гардав

boloroo8136@gmail.com

2017-04-18 16:25:22

Улаанбаатар /МОНЦАМЭ/. МУИС болон Сүмитомо корпорацийн хооронд байгуулсан хамтын ажиллагааны хүрээнд энэ удаагийн тэтгэлэгт бакалаврын 123 оюутан материал ирүүлснээс 11 оюутан шинээр сонгогдон, 19 оюутан үргэлжлүүлэн нийт 30 оюутан тэтгэлэг авахаар боллоо.

Японы Сүмитомо корпораци нь 1996 онд Азийн орнуудын ирээдүйн чадварлаг боловсон хүчнийг дэмжих зорилгоор оюутны сургалтын тэтгэлэгт хөтөлбөрийг бий болгож, МУИС-ийн оюутнуудад 22 дэх жилдээ тэтгэлэг олгож байгаа юм. Тус корпораци нь сонгогдсон оюутны сурлагын үзүүлэлтийг харгалзан тухайн оюутныг төгсөх хүртэл тэтгэлгийг үргэлжлүүлэн олгодогоороо онцлогтой. Сонгон шалгаруулалтыг Улаанбаатар дахь Сүмитомо корпорацийн Төлөөлөгчийн газар, МУИС-ийн Оюутны алба хамтран зохион байгуулдаг.

Тэтгэлэг гардуулах үйл ажиллагаанд Оюутны хөгжил хамтын ажиллагаа эрхэлсэн Дэд захирал О.Мөнхбат, Сүмитомо Корпорацийн Монгол дахь төлөөлөгч, Ерөнхий менежер Фүживара Хирото нар болоод албаны бусад хүмүүс байлцав.

Өнөөдрийн байдлаар сурлага сайтай, амьжиргааны түвшин доогуур өрхийн хүүхдэд олгодог уг тэтгэлгийг МУИС-иас давхардсан тоогоор 438 оюутан хүртээд байна.

Ж.Болор

Сүмитомо корпорацийн тэтгэлгийг 30 оюутан гардав

相关新闻

Монголд 1915-1916 онд явуулсан хүн ам, статистикийн холбоотой баримтуудыг нэгтгэлээ

ШУТИС-ийн харьяа Олон улсын инженерийн сургуулийг байгуулна

Бруно де Никола: Монголын түүхийг судлахад эмэгтэйчүүд, хатдын түүхийг орхигдуулж огт болохгүй

“Тэмдэглэл хөтлөгч”-ийн үйлчилгээг их дээд сургуулиудад хэрэгжүүлжээ

"Монгол Улсын Үндсэн хуулийн эрх зүй" ном уншигчдын хүртээл болов

Сургууль, цэцэрлэгийн хоол үйлдвэрлэлд эрүүл ахуйн шалгалт хийжээ

Орчуулагч, хэлмэрчийн зэрэг тогтоох шалгалтын тов гарчээ

Хөгжлийн онцлогтой хүүхэдтэй ажиллах багш нарыг чадавхжуулж байна

Эрхэмсэг гүнж Маха Чакригийн нэрэмжит шагналыг анх удаа Монгол багшид олгоно

跟著我們

访问次数