Ulaanbaatar
Хар тарвагатайн уурхай дээр НӨАТ-ын баримт өгөхгүй байна
ОРОН НУТГИЙН МЭДЭЭ | УВС
Увс аймгийн Тариалан сумын нутагт үйл ажиллагаа явуулдаг Хар тарвагатайн нүүрсний уурхайг НӨАТ-ын баримт өгөхгүй байна гэсэн гомдлыг зарим жолооч нар гаргасан байна.
Энэ дагуу аймгийн Татварын хэлтсээс тодруулахад манайд албан ёсоор гомдол гаргасан нэг ч тохиолдол байхгүй гэв. Харин уурхайн удирдлагууд интернэтийн сүлжээ байхгүй тул уурхай дээр НӨАТ-ын баримт олгохгүй байгаа. Жолооч нар аймгийн Дулааны 1-р станцын нягтлан бодогчоос ирээд НӨАТ-ын баримтаа хэвлүүлж авах боломжтой гэсэн юм. Иймээс жолооч нар НӨАТ-ын баримт авахыг хүсвэл Дулааны 1-р станцаас очиж авч болох нь ээ.
Хар тарвагатайн уурхайгаас Увс аймгийн 15 сум, Ховд аймгийн зарим сумд нүүрсээ татаж авдаг бөгөөд илчлэг өндөртэй тул борлуулалт сайтай байдаг аж.
Б.Батхүү
