Ulaanbaatar
Ой тогтоолтын ДАШТ-ээс 23 медальтай, 5 дээд амжилт тогтоожээ
МОНГОЛЫН МЭДЭЭ | СПОРТ
Ой тогтоолтын дэлхийн аварга шалгаруулах оюуны спортын тэмцээн Сингапур улсад болж байгаа бөгөөд манай тамирчид өсвөр буюу дунд нас болон бага насны ангилалд дэлхийн 5 дээд амжилтыг шинэчлэн тогтоогоод байна.
Тус тэмцээнд нийт 232 тамирчин ой тогтоолтын 10 төрлөөр бага, өсвөр, насанд хүрэгчдийн ангилалд 3 өдрийн турш оюуны өрсөлдөөнийг өрнүүлж, ур чадвараа сорьж байгаа юм. Манай улсаас тус тэмцээнд Монголын оюун ухааны академийн 23 тамирчин багш, дасгалжуулагчдын хамт оролцож байна. Одоогийн байдлаар манай баг тамирчид 7 алт, 9 мөнгө, 7 хүрэл медаль буюу нийт 23 медалийн болзол хангасан амжилтыг үзүүлээд байна.
Д.Өлзий
