Ulaanbaatar
Д.Амарбаясгалан МАН-ын Ерөнхий нарийн бичгийн дарга боллоо
МОНГОЛЫН МЭДЭЭМАН-ын долдугаар Бага хурал өнөөдөр амжилттай болж өнгөрлөө.
Хурлын нээлтэд МАН-ын дарга М.Энхболд улс төрийн илтгэл тавьж, бүх шатандаа хариуцлагатай байхыг уриалж, МАН-аас томилогдсон улс төрийн албан тушаалтнуудтай хариуцлагын гэрээ байгуулахаа мэдэгдлээ.
Үдээс өмнө Бага хурлын 33 гишүүнийг нөхөн томилсон бол үдээс хойш МАН-ын Ерөнхий нарийн бичгийн дарга болон нарийн бичгийн даргыг сонгов. МАН-ын Удирдах зөвлөлөөс Ерөнхий нарийн бичгийн даргад Д.Амарбаясгалангийн нэрийг дэвшүүлж, Бага хурлын гишүүдийн олонхийн саналаар сонгогдсон бол орон тооны Нарийн бичгийн даргад Удирдах зөвлөлөөс Н.Төмөрхүүгийн нэрийг дэвшүүлж, хурлын танхимаас Ц.Бат-Энхийг УИХ-ын гишүүн Д.Гантулга дэвшүүлэхэд олонхийн саналаар Ц.Бат-Энхийг дэмжив.
Энэ удаагийн Бага хурлаар УИХ-ын болон орон нутгийн ИТХ-ын сонгуулийн дараа, улс орны эдийн засаг, нийгмийн амьдралд тулгарсан амаргүй нөхцөлд болж байгаагаараа өмнөх Бага хурлын хуралдаануудаас онцлогтой байлаа гэж намын удирдлагууд дүгнэв.
Б.Туул
