Ulaanbaatar
Томуугийн эсрэг дархлаажуулалт 65.1 хувьтай үргэлжилж байна
МОНГОЛЫН МЭДЭЭ | ЭРҮҮЛ МЭНД
Улаанбаатар, 2025 оны аравдугаар сарын 5 /МОНЦАМЭ/. Манай улс сүүлийн 3 жилийн хугацаанд нийт 1,1 сая хүн тун вакцинаар эрсдэлт бүлгийн хүн амыг дархлаажуулжээ.
Дархлаажуулалтын хамралт:
- 2022-2023
онд нийт 545,000 хүн тун вакцин хүлээж авч, 2022 оны 10
дугаар сарын 20-ны өдрөөс эхлэн 4 сарын хугацаанд 478,030 хүнийг
дархлаажуулсан ба хамралт 87.7 хувь.
- 2023-2024
онд нийт 300,000 хүн тун вакцин хүлээж авч, 2023 оны 10
дугаар сарын 20-ны өдрөөс эхлэн 3 сарын хугацаанд 277,168 хүнийг
дархлаажуулсан ба хамралт 92.4 хувь
- 2024-2025
онд нийт 320,100 хүн тун вакцин хүлээж авч, 2024 оны 8
дугаар сарын 25-ны өдрөөс эхлэн 5 сарын хугацаанд 304,251 хүнийг
дархлаажуулсан ба хамралт 95.0 хувьтай байна.
Нийт вакцины, 40-80 хувь орчмыг 6 сараас 5 хүртэлх насны хүүхдэд, 10- 40 хувь орчмыг 65 болон түүнээс дээш настай, архаг
хууч өвчтэй хүмүүст хуваарилан дархлаажуулдаг. Хамралт 87.7-95.0 хувьтай байсан байна.
2025-2026 оны томуугийн улиралд улирлын томуугийн эсрэг 300,000 хүн тун вакцинаар 9 дүгээр сарын 17-ны өдрөөс эхлэн дархлаажуулах ажлыг эхлүүлсэн ба 10 дугаар сарын 2-ны өдрийн байдлаар хамралт 65,1 хувьтай байна.
Дархлаажуулалт
эхэлснээс хойш 15
хоногийн хугацааны хамралтын хувийг өмнөх 3 жилийнхтэй харьцуулахад 20-40 хувиар өндөр байна.
Ялангуяа хүүхэд, жирэмсэн эмэгтэйчүүдийн хамралт өндөр байгаа аж.
