Ulaanbaatar
Гангийн төлөв байдлыг орон зайн өндөр нарийвчлалтай үнэлжээ
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны наймдугаар сарын 14 /МОНЦАМЭ/. Ус цаг уур, орчны судалгаа, мэдээллийн хүрээлэнгийн Зайнаас тандан судлалын хэлтсээс Aqua хиймэл дагуулын MODIS-ын мэдээгээр гангийн төлөв байдлыг орон зайн өндөр нарийвчлалтай үнэлжээ.
Үнэлгээгээр наймдугаар сарын 10-ны өдрийн байдлаар Баян-Өлгий, Увс, Ховд, Завхан, Говь-Алтай, Дундговийн ихэнх, Баянхонгор, Өвөрхангай, Төв, Дорноговийн зарим, Сэлэнгэ, Дархан-Уул, Дорнод, Сүхбаатарын цөөн сумдын нутгаар гандуу болон гантай гарсан байна.
Өөрөөр хэлбэл нийт нутгийн 61
хувьд гангүй буюу хэвийн, 22 хувьд гандуу, 17 хувьд гантай байгаа ажээ.
