Ulaanbaatar
Мянган хүнд ногдох цэвэр өсөлт 8.7 хувь байна
МОНГОЛЫН МЭДЭЭ | НИЙГЭМ
Улаанбаатар, 2024 оны аравдугаар сарын 16 /МОНЦАМЭ/. Улсын хэмжээнд 2024 оны эхний 9 сард 43 116 эх амаржиж, 43 428 хүүхэд төрүүлсэн нь 2023 оны мөн үеийнхээс амаржсан эхийн тоо 5 616 буюу 11.5 хувь, төрсөн хүүхдийн тоо 5 605-аар цөөрсөн байна. Мянган хүнд ногдох төрөлт 2023 оны мөн үетэй харьцуулахад 1.5-аар буурчээ.
Улаанбаатар
хот болон Баян-Өлгий, Увс, Орхон, Говьсүмбэр, Ховд, Дархан-Уул аймагт 1000 хүнд
ногдох төрөлт улсын дунджаас 0.2-3.8-аар илүү бусад аймагт 0.3-6.6-аар доогуур гарчээ.
Тухайлбал, 1000 хүнд ногдох төрөлт Булган аймагт 5.9 буюу хамгийн бага байгаа
нь улсын дунджаас 6.6-аар доогуур байгаа аж.
Энэ оны эхний 9 сарын байдлаар нас баралт 13 219 болж 2023 оны мөн үеийнхээс 298-аар нэмэгджээ. Мянган хүнд ногдох төрөлт 12.5 хувь, нас баралт 3.8 хувь, ердийн цэвэр өсөлт 8.7 хувь байна.
Улаанбаатар хот болон Төв, Говьсүмбэр, Хөвсгөл, Говь-Алтай, Дорноговь,
Сүхбаатар, Сэлэнгэ, Булган, Архангай аймагт 1000 хүнд ногдох нас баралт улсын
дунджаас 0.1-0.7-оор дээгүүр, Өвөрхангай, Увс аймагт улсын дундаж түвшинд,
бусад аймагт 0.1-0.9-өөр доогуур байгаа аж. Улаанбаатар хот болон Баян-Өлгий, Ховд, Увс, Орхон, Дархан-Уул, Говьсүмбэр, Өмнөговь аймагт 1000 хүнд ногдох
ердийн цэвэр өсөлт улсын дунджаас 0.2-4.4-өөр илүү, бусад аймагт 0.1-7.1-ээр
бага байгаа аж.
