Ulaanbaatar
ТӨВ: Санал хураалтын ирц 47.7 хувьтай байна
ОРОН НУТГИЙН МЭДЭЭ | ТӨВ
Зуунмод, 2024 оны аравдугаар сарын 11 /МОНЦАМЭ/. Аймаг,
нийслэл, сум, дүүргийн ИТХ-ын 2024 оны ээлжит сонгуулийн санал хураалт 16:20
цагийн байдлаар Төв аймгийн хэмжээнд 47.7 хувьтай байна.
Тус аймагт бүртгэгдсэн нийт сонгогчийн тоо 62636 бөгөөд
одоогийн байдлаар бүртгэлийн хуудас авсан сонгогч 28751 байна. Саналаа өгөөд
байгаа сонгогчдын олонх нь эмэгтэйчүүд бол өндөр настнуудын идэвх хамгийн өндөр
байгаа юм. Тодруулбал, 70-аас дээш насныхны 68,3 хувь, 65-69 насныхны 69.5
хувь, 60-64 насныхны 67.9 хувь нь саналаа өгөөд байгаа бол 18-19 насныхны ирц 28.6
хувь, 20-24 насныхны 25.3 хувь нь саналаа өгчээ.
Аймгийн хэмжээнд Мөнгөнморьт, Сэргэлэн сум санал хураалтын
ирц өндөр байгаа бол Баянжаргалан, Эрдэнэ сумын ирц харьцангуй сул байна.
