Ulaanbaatar
ЗАВХАН: Нийт нутгаар шороон болон цасан шуурга шуурахыг анхааруулав
ОРОН НУТГИЙН МЭДЭЭ | ЗАВХАН
Улиастай, 2024 оны гуравдугаар сарын 26 /МОНЦАМЭ/. Завхан аймгийн ихэнх нутгаар өнөөдөр цас орж, салхи түр зуур 16-18м/с хүрч цасан болон шороон шуурга шуурахыг онцгойлон анхаарууллаа.
2024 оны 3 дугаар сарын 26-ны 8.00-20.00 цаг хүртэл хангайн уулархаг нутгаар -1-6 градус хүйтэн, говь болон нутгийн өмнөд хэсгээр +5+10 градус, бусад нутгаар +2+7 градус дулаан байна.
Улиастай хот
орчмоор, үүлшинэ, цас орно. Салхи баруун, баруун хойноос секундэд 7-12 метр,
түр зуур секундэд 15-17 метр хүрч ширүүснэ.
Өдөртөө +1+3 градус дулаан байна. Өглөөний 8.00 цагт
Улиастайд -6 градус хүйтэн, харьцангуй чийг 70 хувь, агаарын даралт 817.1
гектопаскаль байлаа. Даралт өдөртөө буурна.
Дөрөвдүгээр сарын 1-ний өдөр Завханы нутгаар ахиу цас орох төлөвтэй байна. Ирэх сарын 1-2-нд шилжих шөнө Хангайн нурууны орчмоор шөнөдөө -20-24 градус, хангайн болон төвийн аймгуудын нутгаар шөнөдөө -12-14 гардус хүрч хүйтэрч болзошгүй байгааг малчид тээвэрчдэд анхааруулж байна гэж Завхан аймгийн Ус цаг уур орчны шинжилгээний газраас мэдээлэв.
