Ulaanbaatar
Японы Изү арлуудад цунамийн аюулаас сэрэмжлүүлэв
ДЭЛХИЙН МЭДЭЭ | БАЙГАЛЬ ОРЧИН
ТОКИО, 2023 оны аравдугаар сарын 5 /Kyodo/. Өнөө өглөө Номхон далайд газар хөдөлсөнтэй холбогдуулан Японы Цаг уурын агентлагаас тус улсын Изү арлуудад цунамийн аюулаас сэргийлэх сэрэмжлүүлгийг гаргасан байна.
Орон нутгийн цагаар
11:00 цагийн үед болсон газар хөдлөлтийн хүчийг урьдчилсан байдлаар 6.6
магнитуд байсан гэж хэмжээд байгаа бөгөөд Изү арлуудын өмнөд хэсгийн орчимд Торишима
арлын ойролцоо 10 км-ийн гүнд болжээ. Хүн ам суурьшдаггүй уг арал нь
Токиогоос зүүн зүгт 580 орчим км зайд оршдог.
Цаг уурын агентлагаас Изү арлуудын зарим хэсэгт 11:30 цагийн орчимд 1 метрийн өндөр цунами нүүрлэж болзошгүйг анхааруулжээ.
