Ulaanbaatar
Индонез Улсад суух Элчин сайд А.Төмөр Итгэмжлэх жуух бичгээ барив
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Монгол Улсаас Бүгд Найрамдах Индонез Улсад суух Элчин сайд А.Төмөр 2023 оны 6 дугаар сарын 26-ны өдөр Жакарта хотноо Бүгд Найрамдах Индонез Улсын Ерөнхийлөгч Жоко Видодо-д Итгэмжлэх жуух бичгээ барив.
Тэрбээр Бүгд Найрамдах Индонез Улсын Ерөнхийлөгч Жоко Видодо-д Итгэмжлэх жуух бичгээ барих үеэр Монгол Улсын Ерөнхийлөгч У.Хүрэлсүхийн мэндчилгээг уламжлав.
Мөн Монгол Улсын Гадаад харилцааны сайд Б.Батцэцэгийн санаачилгаар энэ сарын 29-30-ны өдөр Улаанбаатар хотноо болох Гадаад хэргийн эмэгтэй сайд нарын уулзалтад оролцох Бүгд Найрамдах Индонез Улсын Гадаад хэргийн сайд Ретно Л.П. Марсуди-тай уулзаж, бэлтгэл ажлын талаар мэдээлэл өгөв.
