Ulaanbaatar
ХӨВСГӨЛ: Мөсөн хотхоныг “Ногоон дэлхийгээ хайрлая” сэдвийн хүрээнд урлаж байна
ОРОН НУТГИЙН МЭДЭЭ | ХӨВСГӨЛ
Хатгал /МОНЦАМЭ/. “Хөх сувд” мөсний баяр Хатгал тосгоны Хөвсгөл нуурын эрэг, Хүй Толгойн урд Хайчийн аманд энэ сарын 2-4-ний өдөр болно.
Мөсний баярын үеэр ирсэн зочдын хамгийн их сонирхдог мөсөн хотхоныг энэ жил Хөвсгөл аймгийн Зураач урчуудын холбооны тэргүүн Б.Ганхөлөг ахлагчтай баг хамт олон “Ногоон дэлхийгээ хайрлая” сэдвийн хүрээнд урлаж байна.
Хөвсгөл нутгийн онцлогийг харуулсан мөсөн хотхонд ховордсон амьтан, хүүхэд багачуудын тоглох, гулгах мөсөн талбай, мөсөн гэр, чаргатай морь зэрэг олон бүтээлийг мөсөөр урлаж байна.
Хаан их сарьдаг, Хатан далай ээждээ хүндэтгэл үзүүлдэг "Мөсний баяр"-т та бүхнийг урьж байна.
