Ulaanbaatar
Баян-Өлгийн нутгаар маргааш салхины хурд 22-24 м/с-д хүрч шуурна
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий аймгийн Ус, цаг уур, орчны шинжилгээний төвөөс
маргааш өдөртөө нутгийн ихэнх хэсгээр салхи баруун өмнөөс хойшоогоо эргэж
секундэд 16-18 метр, зарим үед секундэд 22-24 метр хүрч ширүүсч шороон, уул
даваануудад цасан шуурга шуурахыг анхаарууллаа.
Өдөртөө нутгийн баруун өмнөд хэсгийн зарим газраар цас орно. Нийт нутгаар
шөнөдөө 10-15 градус, өдөртөө 5-10 градус хүйтэн байна.
Харин энэ сарын 25-29-ний өдөр хүртэлх 5 хоногийн цаг агаарын
урьдчилсан мэдээнээс харахад, хугацааны сүүлчээр нутгийн баруун өмнө хэсгийн
зарим газраар ялимгүй цас орно. Хугацааны дунд үеэр салхины хурд зарим газраар
16-18 м/с, зарим үед 20 м/с хүрч ширүүсч шороон, уул даваануудад явган цасан
шуурга шуурах аж.
Агаарын температур нийт нутгаар шөнөдөө 13-18 градус, өдөртөө 2-7 градус
хүйтэн байх төлөвтэй байна.
