Ulaanbaatar
Түүх, соёлын үл хөдлөх дурсгалын 2021 оны улсын тооллого эхэллээ
ОРОН НУТГИЙН МЭДЭЭ | ГОВЬ-АЛТАЙ
Говь-Алтай /МОНЦАМЭ/. Соёлын яамны санхүүжилтээр явагдах улс, аймгийн хамгаалалттай түүх, соёлын үл хөдлөх дурсгалын 2021 оны улсын тооллогын ажлыг Говь-Алтай аймгийн Соёлын хэлтэс болон орон нутаг судлах Музейн албан хаагчдын бүрэлдэхүүнтэйгээр ажлын хэсэг томилон эхлүүлэв.
Тэд 12 дугаар сарын 22-нд Есөнбулаг сумын “Баянгийн ам” хэмээх газарт байрлах аймгийн хамгаалалттай “Хөшөө чулуу” дурсгалын үзлэг, тооллогоор ажлаа эхлүүлэхийн зэрэгцээ ажлын хэсгийнхэнд зөвлөх сургалтыг хийсэн байна.
Говь-Алтай аймагт улсын хамгаалалттай 8, аймгийн хамгаалалттай 33 дурсгал байдаг бөгөөд эдгээрээс 4 нь шинээр нэмэгдсэн дурсгал аж. Энэхүү тооллогын ажилд идэвх санаачилга гарган хамтран ажиллахыг ард иргэд, соёлын салбарынхан, сумдын удирдлагуудад уриалав.
