Ulaanbaatar
Монгол Улсад GPE сангийн төслөөр 5 сая ам.долларын буцалтгүй тусламж олгоно
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. БШУ-ны сайд Л.Энх-Амгалан тэргүүтэй төлөөлөгчид АНЭУ-ын Дубай хотод болж буй боловсролын салбарын RewirED дээд хэмжээний уулзалтад оролцож байна.
Энэ үеэрээ GPE (Global Partnership for
Education) сангийн ТУЗ-ийн дарга Жакаяа Кикветэ болон албаны бусад төлөөлөгчтэй
уулзаж хамтын ажиллагааны талаар санал солилцлоо.
Уулзалтын
хүрээнд,
- Ковидоос
үүдэлтэй сурагчдын хоцрогдлыг нөхөх, арилгах, зайнаас суралцахад дэмжлэг
үзүүлэх, тоног төхөөрөмжийн хангалтыг сайжруулах;
- ЕБС-ийн
бага, дунд ангийн багш нарын чадавхыг бэхжүүлэх замаар тусгай хэрэгцээт
хүүхдүүдийг боловсролд тэгш хамруулах;
- Сургуулийн
хоол, хүнсний үйлдвэрлэлийн орчныг стандартчлан суралцагчдад чанартай, эрүүл,
аюулгүй хоолоор үйлчлэх гэсэн чиглэлээр төсөл хэрэгжүүлэх зорилгоор 5 сая ам.долларын буцалтгүй тусламжийг нэмэлтээр олгохоор ярилцлаа.
Төсөл
нь 2022-2024 онд гурван жилийн
хугацаанд “Боловсролын салбарын хөгжлийн дунд хугацааны төлөвлөгөө
2021-2030”-ны хэрэгжилтэд дэмжлэг үзүүлэх юм.
