Ulaanbaatar
Хүмүүжлийн эерэг арга зүйн үндэсний сургагч багш бэлтгэж байна
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. Боловсрол, шинжлэх ухааны яам, Дэлхийн Зөн Монгол олон улсын байгууллагатай хамтран “Хүмүүжлийн эерэг арга” сэдэвт үндэсний сургагч багш бэлтгэх сургалтыг зохион байгууллаа.
Энэ
хүрээнд Боловсролын хүрээлэн, Багшийн мэргэжил дээшлүүлэх институт болон аймаг,
дүүргийн Боловсролын газар, хэлтсийн мэргэжилтэн, эрдэм шинжилгээний ажилтан,
арга зүйч 88 хүнийг үндэсний сургагч багшаар бэлтгэв. Сургалт, зөвлөн туслах
ажлын агуулга, хөтөлбөрт хүүхдийн эрх, хамгаалал, хүмүүжлийн эерэг арга зүйг
тусган, багш нарыг ажлын байран дээр нь тасралтгүй чадавхжуулах, ур чадварыг нь
дээшлүүлэх боломжийг олгохоор зорьж байна.
Сургалтыг
гурван үе шаттай зохион байгуулах юм.
Аймаг, дүүргийн хэмжээнд “Хүмүүжлийн эерэг арга”-аар орон нутагт сургагч багш
бэлтгэх сургалт 2021 оны 12 дугаар сарын 20-24-нд, 2022 оны нэгдүгээр сард
багтаан ерөнхий боловсролын сургуулиудын нийт багш, ажилтнуудад зохион
байгуулна.
ЕБС-ийн багш, дотуур байрын багш нарыг хичээл заах, анги удирдах, хүүхэдтэй ажиллах алхам бүрдээ хүчирхийлэлгүй арга хандлагыг хэрэглэх, хүүхэд бүрийн хувийн болон насны онцлогийг харгалзан ажиллах ур чадварыг нэмэгдүүлэхэд энэхүү сургалтын зорилго чиглэж байгаа юм.
