Ulaanbaatar
ОХУ-ын их, дээд сургуулиудад 42 хүүхэд элсэн оржээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий
/МОНЦАМЭ/. Баян-Өлгий аймгийн 42 суралцагч 2021-2022 хичээлийн жилд ОХУ-ын их,
дээд сургуулиудад шинээр элссэн байна.
Үүнээс
аспирантурт 1, магистрантурт 3, үлдсэн нь бакалаврын хөтөлбөрт элсэж, Москва,
Санкт-Петербург, Казань, Владивосток зэрэг хотод суралцаж байгаа аж.
Дээрх оюутнуудын
18 нь ОХУ-д очиж танхимын хичээлд сууж байгаа бол үлдсэн 24 нь "Ковид-19" цар
тахлын улмаас хил хаалттай байгаа тул онлайнаар хичээлд оролцож байна.
ОХУ-ын
“Россотрудничество” агентлагийн Монгол Улс дахь төлөөлөгчийн газар буюу “РЦНК”
нь Монгол Улсын олон залууст тухайн улсын Засгийн газрын тэтгэлгээр их, дээд
сургуульд элсэн суралцах боломж олгож байгаа. Үүнтэй холбоотой ОХУ-д суралцах хүсэлтэй
залуучуудын тоо ч жил бүр өсөн нэмэгдэж байна.
