Ulaanbaatar
ХААИС, ШУТИС-ийн харьяа сургуулиудыг орон нутаг руу шилжүүлэх стратеги боловсруулна
МОНГОЛЫН МЭДЭЭ | БОЛОВСРОЛ
Улаанбаатар /МОНЦАМЭ/. БШУЯ-наас Хөдөө аж ахуйн их сургуулийн харьяа зарим сургуулийг Дархан-Уул аймаг руу, ШУТИС-ийн зарим сургуулийг Өмнөговь аймаг руу шилжүүлэх стратеги боловсруулна.
Тодруулбал, Ерөнхий сайд Л.Оюун-Эрдэнэ Засгийн газрын өнөөдрийн ээлжит хуралдааны үеэр уг стратегийг боловсруулж танилцуулахыг БШУ-ны сайдад үүрэг болгосон байна. Уг асуудлыг ирэх долоо хоногт хэлэлцэхээр төлөвлөж байгааг Ерөнхий сайдын Хэвлэлийн төлөөлөгч Ч.Болортуяа Засгийн газрын хуралдааны шийдвэрийг танилцуулах хэвлэлийн хурлын үеэр өнөөдөр танилцууллаа.
