Ulaanbaatar
Сэлэнгийн ногоочид нийслэл хотын 24 байршилд шинэ ургацын ногоогоо худалдаалж байна
ОРОН НУТГИЙН МЭДЭЭ | СЭЛЭНГЭ
Сэлэнгэ/МОНЦАМЭ/.Сэлэнгэ аймгийн
ногоочдын борлуулалтыг дэмжих зорилгоор Улаанбаатар хотод “Алтан намар” шинэ
ургацын төмс, хүнсний ногооны үзэсгэлэн худалдааг жил
бүр зохион байгуулдаг уламжлалтай. Энэ удаа тус аймгийн ногоочид үржил шимт эко
хөрсөндөө, өөрсдийн гараар тарьж ургуулсан шинэ ургацын ногоогоо нийслэл хотын 24 байршилд худалдан борлуулахаар болжээ. Үүнд:
-Баянгол
дүүргийн “УБТЗ” ХНН-ийн 1000 машины зогсоол мөн баруун талд,
-Сүхбаатар
дүүргийн “Хүүхдийн урлан бүтээх төв”, 4-р байрны хойно, “Их тойруу” худалдааны
төвийн гадна талбайд, 32-ын тойргийн дэргэд, 17-р сургуулиас Дарь-Эхтэй
холбосон шинэ зам дагуу, 33-ын автобусны буудлын дэргэд,
-Хан-Уул
дүүргийн Ажилчдын алдар талбайд, Яармагийн хуучин эцэст, Буянт-Ухаа спорт
цогцолборын гадна талбайд, “Мишээл” экспо худалдааны төвд,
-Сонгинохайрхан
дүүргийн “Цамбагарав” 2-р үйлчилгээний гадна талбайд, Орбитын тойргийн дэргэд,
“Содон” хорооллын талбайд,
-Баянзүрх
дүүргийн “Дүнжингарав” худалдааны төвийн гадна талбайд, Жуковын талбайд,
“Тэнгэр” худалдааны төвийн гадна талбайд,
-Чингэлтэй
дүүргийн “Барилгачдын талбай”, “Ялалтын талбай”-д,
-Налайх
дүүргийн “Соёл урлагийн орд”-ны өмнөх “Төв талбай”-д,
-Багануур
дүүргийн “Хэрлэн” худалдааны төвд,
-Багахангай
дүүргийн “Үйлдвэр технологийн парк”, “2-р хорооны цогцолбор”-ын барилгын урд
талбайд борлуулалт хийх боломж бүрдсэн байна. Сэлэнгэ
аймгийн зүгээс сумдынхаа
ногоочдыг нэгдсэн
зохион байгуулалтайгаар, халдвар хамгааллын дэглэмийг баримтлан эко хүнс
ногоогоо борлуулах зохион байгуулалтыг хийж байгаа ажээ.
