Ulaanbaatar
Өнгөрсөн шөнө ковидоор эмчлүүлж байсан 6 эх эсэн мэнд амаржлаа
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий
/МОНЦАМЭ/. Баян-Өлгий аймагт өнгөрсөн шөнө коронавирусний халдвар авч эмчлүүлж
байсан 6 эх эсэн мэнд амаржжээ.
Тухайн өдөр
аймгийн Төрөг тасагт 12 эх, Ковидын эмнэлэгт 6 эх амаржсан байна. Ковидын
эмнэлэгт эмчлүүлж байсан эхчүүдийн 2 нь хагалгаагаар, 4 нь төрөх замаар амаржсан
аж.
"Урд шөнө багийнхан маань маш их ачаалалтай хонолоо. Аймагт маань Covid-19 халдвар маш их нэмэгдэж байна. Харамсалтай нь үүн дотор жирэмсэн ээжүүд болон хүүхдүүд маш их хувь эзэлж байна. Зөвхөн урд шөнө гэхэд Ковидын эмнэлэгт халдвартай 6 эх (4 нь төрөх замаар, 2 нь хагалгаагаар), мөн эрүүл 12 эх Төрөх тасагт эсэн мэнд амаржлаа" гэж аймгийн Нэгдсэн эмнэлгийн Эмчилгээ эрхэлсэн орлогч дарга Д.Данабек хэллээ.
Ташрамд сануулахад,
аймгийн Ковидын эмнэлэгт 171 иргэн эмчлүүлж байгаа бөгөөд тэний 7 нь төрсөн эх, 15 нь жирэмсэн эх юм.
