Ulaanbaatar
Аэробикийн хосын төрөлд ДАШТ-ий V байрт шалгарлаа
МОНГОЛЫН МЭДЭЭ | СПОРТ
БНСУ-ын Инчеон хотноо аэробик, гимнастикийн насанд хүрэгчдийн 18, өсвөр үеийнхний 7 дахь удаагийн ДАШТ үргэлжилж байгаа бөгөөд 12-14 насны хосын төрөлд О.Энхтүшиг, Ж.Азжаргал нар 18.500 оноогоор V байрт шалгарлаа.
Энэ ангилалд Вьетнамын хос түрүүлж, ОХУ-ын хосууд мөнгө, хүрэл медалийг хүртжээ. БНСУ IV байрт, Турк болон Монголын хосууд адил оноогоор V байр эзэлсэн байна. Монголын аэробик, гимнастикийн түүхэнд анх удаа ДАШТ-д V байрт орсон түүхийг 12-14 насны тамирчид ийнхүү бичээд байна.
О.Энхтүшиг, Ж.Азжаргал нарын дасгалжуулагчаар Б.Мөнхбат ажиллажээ. Тэдний хувьд дахин багийн төрөлд өрсөлдөх юм.
Д.Өлзий
