Ulaanbaatar
Усан санг итали технологиор засварлаж байна
ОРОН НУТГИЙН МЭДЭЭ | ОРХОН
Орхон/МОНЦАМЭ/.“Эрдэнэт үйлдвэр” ТӨҮГ-ын Спорт цогцолбор усан сангаа олон улсын стандартад нийцүүлэн итали технологиор засварлаж байна.
Засварын ажил өнгөрсөн жил эхэлсэн
ч дэлхий нийтэд тархсан цар тахлын улмаас Итали улсаас ирэх засварын хэрэгсэл,
материал, тоног төхөөрөмж саатсанаас хугацаа хойшилжээ. Гэсэн ч гүйцэтгэгч
компанийнхан усан бассейны засварыг ойрын хугацаанд дуусгаж ашиглалтад
хүлээлгэн өгөхөөр ажиллаж байна. Усан сангийн плитаны доторлогоог хуванцар
материалаар сольж, усны температур,
ариутгалыг автоматжуулж байгаа ажээ.
