БТС-ын салбарын төрийн байгууллагуудын ээлжит цахим хурал боллоо

dusem11@yahoo.com

2020-12-11 15:01:59

Улаанбаатар /МОНЦАМЭ/. Засгийн газрын тохируулагч агентлаг- Биеийн тамир, спортын улсын хороо 21 аймаг, нийслэл, дүүргийн газар, хороодтой ээлжит цахим хурлыг лхагва гарагт зохион байгууллаа.

Хуралд харьяа байгууллагын удирдлага, биеийн тамирын арга хэмжээ болон спортын тэмцээн, наадам хариуцсан хариуцсан нийт 83 албан хаагч оролцлоо.

Цахим хуралд БТСУХ-г төлөөлж Спортын бодлогын хэрэгжилтийн хэлтсийн дарга О.Баттулга, Биеийн тамирын бодлогын хэрэгжилтийн хэлтсийн дарга О.Баасан нар оролцож, салбарын 2021 оны биеийн тамир, спортын үйл ажиллагааг танилцуулсан юм. Тодруулбал: 2021 онд зохион байгуулагдах тэмцээн, наадам, Спортын стандартын хэрэгжилт, хяналт, Төрийн бус байгууллагын хамтын ажиллагаа, Спортын сургалт, дасгалжуулалт, Аймаг, нийслэл, дүүргийн биеийн тамирын арга хэмжээг зохион байгуулах тухай /зорилтот бүлэг тус бүрээр/ мэдээлэл өгч, хэлэлцүүлэг өрнүүлэв.

Спортын үйл ажиллаагааны хүрээнд БТС-ын салбарын стандарт, тэмцээн, наадам, Монгол Улсын Ерөнхийлөгчийн 2014, 2015 оны Өвлийн болон Үндэсний, багийн спортыг хөгжүүлэх зарлигийг хэрэгжүүлэх, Төр, төрийн бус байгууллагын хамтын ажиллагаа, Дасгалжуулагчийн төгсөлтийн дараах сургалт талаар зөвлөлдөв.

Харин нийтийн биеийн тамирын үйл ажиллагааны хүрээнд өртөөт марафоныг үндэсний хэмжээнд зохион байгуулах, алхалтын өдрийг жилд 2 удаа зохион байгуулах, хүн амын бие бялдрын хөгжилт, чийрэгжилтийн түвшин тогтоох сорил, спорт хамтлагтай хамтран ажиллах, Иргэдийн дунд спорт аялалуудыг төрөл бүрээр нь төлөвлөх, Үндэсний хэмжээнд өглөөний дасгалыг хэвшүүлэх, Үнэгүй фитнессийн салбаруудыг байгуулах, Спортын клубын магадлан итгэмжлэл зэрэг үндсэн асуудлуудаар хэлэлцүүлэг хийж, харьяа байгууллагуудыг төлөвлөгөөндөө нягт тусган ажиллах талаар үүрэг чиглэл өгсөн байна.

Биеийн тамир, спортын салбарын төрийн байгууллагуудын цахим хурлыг 7 хоног бүр зохион байгуулна.

БТС-ын салбарын төрийн байгууллагуудын ээлжит цахим хурал боллоо

相关新闻

Ерөнхийлөгч У.Хүрэлсүх “Хасын хүлэгүүд” багийнхныг хүлээн авч уулзлаа

Ерөнхийлөгч У.Хүрэлсүх FIBA-ны тэргүүнийг хүлээн авч уулзлаа

“Монголын тамирчдын өдөр”-ийг 89 дэх жилдээ тэмдэглэлээ

Монголын “Тамирчдын баяр”-ын өдөр тохиож байна

Монголын зургаан эмэгтэй жүдоч “Russian tour-2025” тэмцээнд барилдана

Казахстаны Астанад болох дэлхийн цомд найман боксчин оролцоно

Даншиг наадамд Солонгос, Тувагийн бөхчүүд зодоглоно

Өсвөрийн шатарчид дэлхийн цомд өрсөлдөж байна

Гавьяат тамирчин Г.Болдбаатарын нэрэмжит “Топ-6” тэмцээн Эрдэнэт хотод болно

跟著我們

访问次数