Ulaanbaatar
Уулын Карабах руу 23 мянга гаруй дүрвэгч буцжээ
ДЭЛХИЙН МЭДЭЭ | НИЙГЭМ
МОСКВА. /Kommersant/. ОХУ-ын
энхийг сахиулагчдын дэмжлэгтэйгээр нэг өдрийн дотор 2431 дүрвэгч Арменийн нутаг
дэвсгэрээс Уулын Карабах руу буцаж очжээ.
Арваннэгдүгээр сарын 14-нөөс хойш Уулын
Карабахын нийт 23 мянга гаруй оршин суугч гэртээ харьсан тухай ОХУ-ын Батлан
хамгаалах яам мэдэгдсэн байна. Түүнчлэн зааглах шугамын дагуу гал зогсоох дэглэм хэрэгжиж, ОХУ-ын энхийг сахиулах хүчин, Олон улсын улаан загалмайн нийгэмлэг үйл
ажиллагаагаа уялдуулан цогцоснуудыг эрэн хайх, солилцох ажиллагааг үргэлжлүүлж
байгааг онцлон тэмдэглэв.
Уулын Карабахт гал зогсоох тухай хэлэлцээрийг Азербайжан, Армени, ОХУ-ын
хооронд 11 дүгээр сарын 9-нд байгуулсан юм. Хэлэлцээрт тусгаснаар Азербайжанд
Уулын Карабах болон түүний зэргэлдээх нутаг дэвсгэрийн дийлэнх хэсэг шилжиж,
Орос энхийг сахиулагчдаа илгээх бол Армени цэргүүдээ татах юм.
