Ulaanbaatar
ЭЕШ-аас өндөр оноо авсан сурагч, сургуулиудыг шагнав
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий аймгийн
ИТХ-ын 2017 оны V хуралдаанаар "Элсэлтийн ерөнхий шалгалтын үр дүнг
дээшлүүлэх дэд хөтөлбөр"-ийг баталж, ЭЕШ-аас өндөр оноо авсан сурагч,
түүний бэлтгэсэн багш, сургуульд мөнгөн урамшуулал олгохоор журамласан байдаг.
Дээрх журамд ЭЕШ-аас 750-800 оноо авсан
сурагчийг 450-500 мянга, 726-749 оноо авсан сурагчдыг 55000-65000, 700-725 оноо
авбал 25000 төгрөгөөр тус тус урамшуулахаар заасан.
2020
оны ЭЕШ-д тус аймгаас 784 сурагч орсноос 17 сурагч 700-722 оноо, 12 сурагч
727-148 оноо, 8 сурагч 753-800 оноо тус
тус авсан байна.
Шалгалтад өндөр оноо авсан 37 сурагчид 4 сая
93 мянга, тэднийг бэлтгэсэн 25 багшид 3 сая 185 мянган төгрөгийг боловсролын
ангилагдаагүй зардлын эх үүсвэрээс урамшуулал болгон олголоо.
Мөн ЭЕШ-ын дүнгээр улсын дунджаас дээгүүр амжилт
үзүүлсэн ерөнхий боловсролын Эмпати, Дарын, Бастама, Заид сургууль, Сагсай сумын нэгдүгээр
сургууль, Өлгий сумын тавдугаар сургуулиудыг
тус бүр 1 сая төгрөгөөр шагналаа.
