Ulaanbaatar
"МЦХ", "УИД" ХК-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид өнөөдөр, 8 дугаар сарын 17-нд энгийн арилжаагаар I, II, III ангиллын 31 ХК-ийн 100,172,153.88 төгрөгийн үнийн дүн бүхий 218.549 хувьцаа арилжив. Үүнээс 12 ХК-ийн хувьцааны ханш өсөж, 12 ХК-ийн хувьцааны ханш буурсан бол 7 үнэт цаасны ханш тогтвортой байв.
Энэ өдөр "Монголын Цахилгаан Холбоо" (MCH+14.36%) болон "Улсын Их Дэлгүүр" ХК (UID+11.11%)-ийн хувьцааны ханш хамгийн өндөр өсөлттэй байсан бол "Ард Санхүүгийн Нэгдэл" (AARD-7.51%) болон "Бодь Даатгал" ХК (BODI-5.41%)-ийн хувьцаа хамгийн их уналттай байлаа.
"TOP 20" индекс 0.49 хувиар буурч 16365.7 нэгжид хүрсэн бол зах зээлийн үнэлгээ 2,525,310,356,944.04 төгрөг боллоо. Арилжааны дэлгэрэнгүй мэдээллийг Энд дарж үзнэ үү.
