Ulaanbaatar
"Могойн Гол", "Түмэн Шувуут" ХК-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид өнөөдөр, 8 дугаар сарын 12-нд энгийн арилжаагаар I, II, III ангиллын 26 ХК-ийн 61,727,564.32 төгрөгийн үнийн дүн бүхий 631.739 хувьцаа арилжив. Үүнээс 13 ХК-ийн хувьцааны ханш өсөж, 9 ХК-ийн хувьцааны ханш буурсан бол 4 үнэт цаасны ханш тогтвортой байв.
Энэ өдөр "Могойн Гол" (BDL+14.14%) болон "Түмэн Шувуут" ХК (TUM+5.09%)-ийн хувьцааны ханш хамгийн өндөр өсөлттэй байсан бол "Нийслэл Өргөө" (NUR-14.27%) болон "Ард Кредит ББСБ" ХК (ADB-4.11%)-ийн хувьцаа хамгийн их уналттай байлаа.
Багцын арилжаагаар "Женко Тур Бюро" ХК-ийн 3.5 сая үнэт цаасыг 339.3 сая төгрөгөөр арилжлаа.
Компанийн бондын хоёрдогч зах зээлийн арилжаагаар 2 үнэт цаасыг 200.000 төгрөгөөр арилжсан байна.
"TOP 20" индекс 0.23 хувиар өсөж, 16540.34 нэгжид хүрсэн бол зах зээлийн үнэлгээ 2,524,338,829,170.17 төгрөг боллоо. Арилжааны дэлгэрэнгүй мэдээллийг Энд дарж үзнэ үү.
