Ulaanbaatar
Гэр хорооллын ундны усны эрүүл ахуй сайжирч байна
ОРОН НУТГИЙН МЭДЭЭ | ДОРНОД
Дорнод /МОНЦАМЭ/. Гэр хорооллын
иргэдийн ундны усны эрүүл ахуй, чанар хүртээмж сайжирч байгаа гэж мэргэжлийн
байгууллага дүгнэжээ. Чойбалсан
хотын хүн амын 60 орчим хувь нь гэр хороололд амьдарч 33 усан сангаар
дамжуулж хэрэгцээний усаа авдаг. Энэхүү усан сангууд нь 1974-1995 онд байгуулагдсан учир гадна орчны хувьд эрүүл ахуй, стандартын шаардлага хангахгүй болоод байсан
юм.
Харин “Шинэ усан сан төсөл”-ийн хүрээнд 2015 оноос эхлэн дээрх усан сангуудыг үе
шаттайгаар засварт оруулж, барилгыг нь шинэчлэн засварлаж, эрүүл ахуйн хамгаалалтын бүсийн хашаа, хайс
хийсэн байна. Үүний үр дүнд
гэр хорооллын иргэдийн ундны усны эрүүл ахуй, чанар хүртээмж дээшилжээ.
Дорнод аймгийн хувьд “Чойбалсан хотын хүн амын ундны усны аюулгүй
байдлыг хангах хөтөлбөр”-ийг ИТХ-аараа хэлэлцэн хөрөнгө оруулалтын төлөвлөгөөг батлан ажиллаж байна.
