Ulaanbaatar
БНАСАУ коронавирусний улмаас хилээ түр хугацаагаар хаажээ
ДЭЛХИЙН МЭДЭЭ | ЭРҮҮЛ МЭНД
ЛОНДОН. /Reuters/. БНХАУ-д “2019-nCoV” коронавирусээр үүсгэгдсэн шинэ төрлийн уушгины
хатгалгаа өвчин тархаад буйтай холбогдуулан БНАСАУ-ын эрх баригчид хилээ түр
хугацаагаар хаах шийдвэр гаргажээ. Энэ тухай Хятадад байрладаг “Young
Pioneer Tours” аялал жуулчлалын
агентлаг мэдэгдсэн байна.
“БНАСАУ вирус тархахаас урьдчилан сэргийлэх арга хэмжээ авах зорилгоор 1
дүгээр сарын 22-ноос гадны жуулчдыг хүлээн авахаа зогсоож байна” хэмээн
мэдэгдэлд дурджээ. БНАСАУ-ыг зорьдог гадны жуулчдын дийлэнх нь БНХАУ-аас ирдэг аж.
Баруун Африкт эбола вирусний халдварын тохиолдол бүртгэгдсэнтэй холбоотойгоор
БНАСАУ 2014 онд мөн ийм арга хэмжээ авч байжээ.
