Ulaanbaatar
Монголын сагсан бөмбөгийн 3х3 U23 эмэгтэйчүүдийн баг зургаад эрэмбэлэгдлээ
МОНГОЛЫН МЭДЭЭ | СПОРТ
Улаанбаатар /МОНЦАМЭ/. БНХАУ-ын Ланжоү хотод Сагсан бөмбөгийн залуучуудын 3х3 U23 дэлхийн аварга шалгаруулах тэмцээн Монголын эмэгтэйчүүдийн баг зургадугаар байрт шалгарч дэлхийн шилдэг багийн тоонд багтсан юм.
Энэхүү ДАШТ 10 дугаар сарын 2-6-нд болж
аварга тодруулахад эрэгтэйчүүдийн ангилалд ОХУ-ын баг, эмэгтэйчүүдийн ангилалд
Японы баг тамирчид тэргүүлсэн билээ. Мөн манай эрэгтэй багийн тамирчид эхний
10-т бичигдсэн амжилтыг үзүүллээ
.
Олон улсын сагсанбөмбөгийн холбоо /FIBA/-ны 2019 оны 3×3 U23 ДАШТ-ний эрэгтэйчүүдийн төрөлд ОХУ тэргүүлж Украин, Серб, Нидерланд, БНХАУ, Итали, Аргентин, Латви, Бразил, Монгол Улс эхний 10-т багтсан бол Шинэ Зеланд, Румын, Словени, Катар, Литва, Казахстан, АНУ, БНСУ, Турк, Киргиз дараагийн 11-20-д эрэмбэлэгджээ.
Харин эмэгтэйчүүдийн төрөлд Япон, ОХУ, Франц, Белорусь, Нидерланд, Монгол,
БНХАУ, Герман, Украин, Румын эхний 10-т эрэмбэлэгдсэн дараагийн 11-20-д Чех,
Унгар, Итали, Щвейцар, Доминик, Иран, Уганда, Индонез, Шри-Ланк, Туркменистан
улс багтжээ.
