Ulaanbaatar
Олон улсын хадгаламж, зээлийн хоршооны зохицуулагчдын хурал боллоо
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Олон
улсын хадгаламж, зээлийн хоршооны зохицуулагчдын зөвлөл (ICURN)-ийн жилийн хурал
АНУ-ын Чикаго хотноо долдугаар сарын 24-26-нд боллоо.
ICURN нь гишүүдийнхээ хэрэгцээнд нийцсэн үйл ажиллагаа
явуулахыг зорьж байгаа харьцангуй шинэ байгууллага бөгөөд эгнээндээ 6 тивийн 39 улсыг багтаасан гишүүнчлэлтэй юм. Манай улсаас санхүүгийн
үйл ажиллагааг зохицуулдаг үйл ажиллагааны хувьд СЗХ 2017 онд гишүүнээр элсэн
хамтран ажиллаж байна.
ICURN-гийн энэ удаагийн хуралд 18 орны 61 төлөөлөгч
оролцож, өөрийн орны хадгаламж, зээлийн хоршооны зах зээлийн талаар харилцан
санал солилцож, кибер аюулгүй байдал, санхүүгийн ФинТек-РегТек-СупТек зохицуулалт, хяналт
шалгалт, хадгаламжийн даатгалын тогтолцоо, залилах гэмт хэргийг илрүүлэхэд
технологийг ашиглах боломжийн
талаар хэлэлцэв. Мөн хадгаламж, зээлийн хоршоог өөрчлөн
байгуулах сэдвээр хэлэлцүүлэг өрнүүлсэн талаар СЗХ-ноос мэдээллээ.
