Ulaanbaatar
Бүргэдчдийн тэмцээнд А.Шаймурат түрүүллээ
ОРОН НУТГИЙН МЭДЭЭ | БАЯН-ӨЛГИЙ
Баян-Өлгий /МОНЦАМЭ/. Баян-Өлгий аймгийн Бугат сумын нутаг Саят толгой хэмээх газарт өнгөрсөн амралтын өдрүүдэд болсон 19 дэх удаагийн "Бүргэдийн баяр"-т тус аймгийн Алтанцөгц сумын бүргэдчин А.Шаймурат түрүүлэв.Алтай сумын бүргэдчин Х.Ардах, Сагсай сумын бүргэдчин Д.Арман нар удаах байрт шалгарчээ.
Тэмцээнд нийт 120 бүргэдчин оролцож, эхний
шатанд бүргэдээ биедээ дасгасан байдлаараа /шахыру/ өрсөлдсөн юм. Энэ жилийн тэмцээн шинэ дүрмийн дагуу хасагдах
журмаар явагдсан бөгөөд тэдний 18 нь тэмцээний хоёр дахь шатанд шалгарч бүргэдээ ан агнахад сургасан байдлаар /шырга тарту/ олон нийтэд үзүүлсэн юм.
Дашрамд хэлэхэд энэ жилийн "Бүргэдийн баяр"-ыг гадаадын 1000 орчим жуулчин ирж сонирхсон талаар зохион байгуулах комисс мэдээлэв. Жуулчдыг тээвэрлэхийн тулд агаарын тээврийн компаниуд долоон удаагийн нэмэлт нислэг үйлдсэн ажээ.
