Ulaanbaatar
Хөрөнгийн бирж анх удаа 859.2 тэрбум төгрөгийн арилжаа хийж түүхэн дээд өсөлт үзүүлэв
МОНГОЛЫН МЭДЭЭ | ЭДИЙН ЗАСАГ
Улаанбаатар/МОНЦАМЭ/. “Монголын хөрөнгийн бирж” ТӨХК 2017 оны тайлангаа олон нийтэд хүргэлээ. Өнгөрөгч онд тус бирж 26 жилийн түүхэнд анх удаа 859.2 тэрбум төгрөгийн арилжаа хийсэн нь өмнөх 2015 оны дээд үзүүлэлтээс 57.2 хувийн өсөлт үзүүлжээ.
Мөн ТОП 20 индекс 68.9 хувиар өсч, дэлхийн индексүүдийг өсөлтөөрөө тэргүүлсэн бол зах зээлийн үнэлгээ он гарснаас хойш 67.4 хувиар өсч 2.4 их наяд төгрөгт хүрсэн нь сүүлийн таван жилийн хамгийн дээд үзүүлэлт боллоо.
Хөрөнгийн зах зээлийн үндсэн бүтээгдэхүүнүүд болох хувьцаа бондын арилжаа идэвхжиж, шинээр болон нэмж үнэт цаас гаргах зэрэг олон үйл ажиллагаа амжилттай өрнөснөөс “Сүү” ХК-ийн гаргасан “Сүү бонд” 6.0 тэрбум төгрөгийг амжилттай босгож хамгийн өндөр үнийн дүнтэй компанийн өрийн хэрэгсэл болсон юм. Мөн “Монголын хөрөнгийн бирж” ТӨХК-д бүртгэгдсэн хамгийн анхны мэдээллийн технологийн компани болох “АйТүүлс” ХК-ийн үнэт цаасыг худалдан авах захиалга нь нийлүүлэлтээсээ 3 дахин их буюу нийт 3.9 тэрбум төгрөгт хүрснээр, Монголын хөрөнгийн зах зээлд үнэт цаас гаргасан компаниуд дунд хамгийн их захиалга авсан компани болов.
Мөн ТОП 20 индекс 68.9 хувиар өсч, дэлхийн индексүүдийг өсөлтөөрөө тэргүүлсэн бол зах зээлийн үнэлгээ он гарснаас хойш 67.4 хувиар өсч 2.4 их наяд төгрөгт хүрсэн нь сүүлийн таван жилийн хамгийн дээд үзүүлэлт боллоо.
Хөрөнгийн зах зээлийн үндсэн бүтээгдэхүүнүүд болох хувьцаа бондын арилжаа идэвхжиж, шинээр болон нэмж үнэт цаас гаргах зэрэг олон үйл ажиллагаа амжилттай өрнөснөөс “Сүү” ХК-ийн гаргасан “Сүү бонд” 6.0 тэрбум төгрөгийг амжилттай босгож хамгийн өндөр үнийн дүнтэй компанийн өрийн хэрэгсэл болсон юм. Мөн “Монголын хөрөнгийн бирж” ТӨХК-д бүртгэгдсэн хамгийн анхны мэдээллийн технологийн компани болох “АйТүүлс” ХК-ийн үнэт цаасыг худалдан авах захиалга нь нийлүүлэлтээсээ 3 дахин их буюу нийт 3.9 тэрбум төгрөгт хүрснээр, Монголын хөрөнгийн зах зээлд үнэт цаас гаргасан компаниуд дунд хамгийн их захиалга авсан компани болов.
ДАВХАР БҮРТГЭЛТЭЙ КОМПАНИЙН ҮНЭТ ЦААСЫГ АРИЛЖИНА
СЗХ-той хамтарсан ажлын хэсэг байгуулан ажиллаж, үнэт цаасны давхар бүртгэлийг зохицуулах “Гадаад улсын арилжаа эрхлэх байгууллагад бүртгэлтэй хуулийн этгээд Монгол Улсад үнэт цаас гаргах, Монгол Улсын арилжаа эрхлэх байгууллагад бүртгэлтэй хуулийн этгээд гадаад улсад гаргах үнэт цаасыг бүртгэх түр журам”-ыг батлуулснаар 2018 онд Монголын хөрөнгийн зах зээлд хамгийн анхны давхар бүртгэгдсэн компанийн үнэт цаасыг арилжих нөхцөл бүрдэв. Мөн хөрөнгийн зах зээлийн талаарх иргэд олон нийтийн мэдлэг мэдээллийг нэмэгдүүлэх зорилгоор “Ногоон сум” реалити шоу нэвтрүүлгийг санаачлан, МҮОНРТ-тэй хамтран зохион байгуулж эхний дугааруудыг орон даяар нэвтрүүлсэн нь ард иргэдийн хөрөнгийн зах зээлийг сонирхох сонирхлыг нэмэгдүүллээ. Энэ онд 2017 оны амжилтаа ахиулан, гадаад улсын биржид бүртгэлтэй компанийн үнэт цаасыг анх удаа дотоодод бүртгэж арилжих, хөрөнгийн зах зээлийн дэд бүтцийн шинэчлэлийн ажлыг үргэлжлүүлэн хэрэгжүүлж, олон улсын жишигт нийцсэн төлбөр тооцооны Т+2 горимыг эргэн нэвтрүүлэх чиглэлээр холбогдох мэргэжлийн байгууллагуудтай хамтран ажиллаж байна. Мөн хөрөнгө оруулагч болон үнэт цаас гаргагчдад таатай хөрөнгө оруулалтын дэд бүтэц, орчин, ил тод нээлттэй зах зээлийг бий болгохоор Монголын хөрөнгийн бирж хичээн ажиллаж байна.
НҮБ-ЫН ТОГТВОРТОЙ САНХҮҮЖИЛТИЙН САНААЧЛАГЫГ ДЭМЖИНЭ
Хөрөнгийн Бирж нь өнгөрөгч онд НҮБ-ын дэргэдэх Тогтвортой Хөгжилд Чиглэсэн Хөрөнгийн Биржүүдийн Холбоо (ТХХБХ)-ны гишүүнээр элсэж, хариуцлагатай хөрөнгө оруулалт, тогтвортой бизнесийн ажиллагааг дэмжин хамтран ажиллахаар болов.
Тус холбоонд олон улсын 66 хөрөнгийн бирж гишүүнээр элссэн бөгөөд НҮБ-ын тогтвортой хөгжлийн зорилтуудыг амжилттай хэрэгжүүлэх хөрөнгийн биржүүдийн үүрэг оролцоог нэмэгдүүлэх чиглэлээр дэлхийн бусад хөрөнгийн биржүүдтэй санал солилцон хамтран ажиллах ач холбогдолтой юм.
ТОП-20 индекс:
2017 онд ТОП-20 индексийн дээд үзүүлэлт 24520.35 нэгж, доод үзүүлэлт 11972.11 нэгж, дундаж үзүүлэлт 15511.89 нэгж байна.
ТОП-20 индексийг өмнөх оны мөн үетэй харьцуулахад 8280.87 нэгжээр буюу 66 хувиар өсч, 20736.93 нэгж болсон.
Багцын арилжаа:
Тайлант хугацаанд багцын арилжаагаар Таван толгой, Дархан сэлэнгийн ДЦС, Мах импекс, БиДиСек, Дархан ЗБ, Монгол савхи, АПУ, Мик холдинг, Шарын гол зэрэг нийт 9 компанийн 14.3 сая ширхэг хувьцааг 44.6 тэрбум төгрөгөөр арилжсан нь нийт хувьцааны арилжааны үнийн дүнгийн 58.3 хувийг эзэлж байна.
ЗГҮЦ-ны арилжаа:
2014 оны 11 дүгээр сараас МХБ-ээр Засгийн газрын жижиглэнгийн үнэт цаас арилжигдаж эхэлснээс хойш нийт 1.4 их наяд төгрөгийн үнийн дүн бүхий 15.6 сая ширхэг үнэт цаас анхдагч зах зээл дээр арилжигдсан байна.
Анхдагч зах зээлийн арилжаа:
2017 онд нийт 44 удаагийн ЗГҮЦ-ны арилжаагаар 6.7 сая ширхэг үнэт цаасыг 630.2 тэрбум төгрөгөөр арилжсан байна. Тайлант хугацаанд анхдагч зах зээл дээр нийт 630.2 тэрбум төгрөгийн ЗГҮЦ арилжсанаас 12 долоо хоногтой үнэт цаас нийт арилжааны 25.0 хувийг, 28 долоо хоногтой үнэт цаас 20.хувь, 39 долоо хоногтой үнэт цаас 24.6 хувь, 52 долоо хоногтой үнэт цаас 15.3 хувийг, 2 болон 3 жилийн урт хугацаатай үнэт цаас 14.9 хувийг тус тус эзэлж байна.
Хоёрдогч зах зээлийн арилжаа:
ЗГҮЦ-ны хоёрдогч зах зээлийн арилжааг 2015 оны 01 дүгээр сарын 19-ний өдөр нээсэн бөгөөд тайлант хугацаанд нийт 1.4 сая ширхэг үнэт цаас 142.3 тэрбум төгрөгөөр арилжигдсан. ЗГҮЦ-ны хоёрдогч зах зээлийн арилжаанд “Новел инвестмент”, “Мирэ Эссет Секьюритис Монгол”, “Голомт капитал“, “БиДиСек ХК”, “Стандарт инвестмент”, “Ард капитал групп”, Гаүли зэрэг ҮЦК-иуд идэвхитэй оролцсон байна.
Тус холбоонд олон улсын 66 хөрөнгийн бирж гишүүнээр элссэн бөгөөд НҮБ-ын тогтвортой хөгжлийн зорилтуудыг амжилттай хэрэгжүүлэх хөрөнгийн биржүүдийн үүрэг оролцоог нэмэгдүүлэх чиглэлээр дэлхийн бусад хөрөнгийн биржүүдтэй санал солилцон хамтран ажиллах ач холбогдолтой юм.
ТОП-20 индекс:
2017 онд ТОП-20 индексийн дээд үзүүлэлт 24520.35 нэгж, доод үзүүлэлт 11972.11 нэгж, дундаж үзүүлэлт 15511.89 нэгж байна.
ТОП-20 индексийг өмнөх оны мөн үетэй харьцуулахад 8280.87 нэгжээр буюу 66 хувиар өсч, 20736.93 нэгж болсон.
Багцын арилжаа:
Тайлант хугацаанд багцын арилжаагаар Таван толгой, Дархан сэлэнгийн ДЦС, Мах импекс, БиДиСек, Дархан ЗБ, Монгол савхи, АПУ, Мик холдинг, Шарын гол зэрэг нийт 9 компанийн 14.3 сая ширхэг хувьцааг 44.6 тэрбум төгрөгөөр арилжсан нь нийт хувьцааны арилжааны үнийн дүнгийн 58.3 хувийг эзэлж байна.
ЗГҮЦ-ны арилжаа:
2014 оны 11 дүгээр сараас МХБ-ээр Засгийн газрын жижиглэнгийн үнэт цаас арилжигдаж эхэлснээс хойш нийт 1.4 их наяд төгрөгийн үнийн дүн бүхий 15.6 сая ширхэг үнэт цаас анхдагч зах зээл дээр арилжигдсан байна.
Анхдагч зах зээлийн арилжаа:
2017 онд нийт 44 удаагийн ЗГҮЦ-ны арилжаагаар 6.7 сая ширхэг үнэт цаасыг 630.2 тэрбум төгрөгөөр арилжсан байна. Тайлант хугацаанд анхдагч зах зээл дээр нийт 630.2 тэрбум төгрөгийн ЗГҮЦ арилжсанаас 12 долоо хоногтой үнэт цаас нийт арилжааны 25.0 хувийг, 28 долоо хоногтой үнэт цаас 20.хувь, 39 долоо хоногтой үнэт цаас 24.6 хувь, 52 долоо хоногтой үнэт цаас 15.3 хувийг, 2 болон 3 жилийн урт хугацаатай үнэт цаас 14.9 хувийг тус тус эзэлж байна.
Хоёрдогч зах зээлийн арилжаа:
ЗГҮЦ-ны хоёрдогч зах зээлийн арилжааг 2015 оны 01 дүгээр сарын 19-ний өдөр нээсэн бөгөөд тайлант хугацаанд нийт 1.4 сая ширхэг үнэт цаас 142.3 тэрбум төгрөгөөр арилжигдсан. ЗГҮЦ-ны хоёрдогч зах зээлийн арилжаанд “Новел инвестмент”, “Мирэ Эссет Секьюритис Монгол”, “Голомт капитал“, “БиДиСек ХК”, “Стандарт инвестмент”, “Ард капитал групп”, Гаүли зэрэг ҮЦК-иуд идэвхитэй оролцсон байна.
Б.Заяа
