Ulaanbaatar
"Талх чихэр", "УБ-БҮК" ХК-ийн ханш хамгийн их өсөв
МОНГОЛЫН МЭДЭЭ | ЭДИЙН ЗАСАГ
Улаанбаатар /МОНЦАМЭ/. Монголын Хөрөнгийн биржид өнөөдөр, 8 дугаар сарын 27-нд энгийн арилжаагаар I, II, III ангиллын 24 ХК-ийн 122.4 сая төгрөгийн үнийн дүн бүхий 628.175 ширхэг хувьцаа арилжив. Үүнээс 15 ХК-ийн хувьцааны ханш өсөж, 6 ХК-ийн хувьцааны ханш буурсан бол 3 үнэт цаасны ханш тогтвортой байв.
Энэ өдөр "Талх чихэр" (TCK+12.96%) болон "УБ-БҮК" ХК (BUK+9.34%)-ийн хувьцааны ханш хамгийн өндөр өсөлттэй байсан бол "Дархан нэхий" (NEH-12.01%) болон "Ард санхүүгийн нэгдэл" ХК (AARD-5.09%)-ийн хувьцаа хамгийн их уналттай байлаа.
Компанийн бондын хоёрдогч зах зээлийн арилжаагаар 5 ширхэг үнэт цаасыг 500,050 төгрөгөөр арилжсан байна.
"TOP 20" индекс 0.26 хувиар өсөж, 17144.00 нэгжид хүрсэн бол зах зээлийн үнэлгээ 2,597,129,620,918.56 төгрөг боллоо. Арилжааны дэлгэрэнгүй мэдээллийг Энд дарж үзнэ үү.
